YDYCH chi’n hoffi canu ac yn ddisgybl ysgol uwchradd? Yn mwynhau cymdeithasu a chyfarfod â ffrindiau newydd? Yn hoffi bod ar lwyfan?
Ewch draw i sesiwn blasu Côr Cytgan Clwyd nos Iau, Hydref 10 o 6.30 tan 7.30 yng Nghapel y Fron, Ffordd y Rhyl, Dinbych lle bydd croeso cynnes iawn i chi ac fe gewch brofi’r mwynhad o gydganu hwyliog.
Mae’r côr yn canu amrywiaeth o ganeuon - o rai ysgafn, modern i’r clasurol a’r gwerin traddodiadol.
Sefydlwyd Côr Cytgan gan yr arweinyddes Ann Davies yn 2013 i gystadlu yn Eisteddfod Genedlaethol Dinbych, ac enillwyd y gystadleuaeth i gorau ieuenctid ar yr ymgais cyntaf.
Enillodd y côr yn yr Eisteddfod Genedlaethol hefyd yn 2016. Yn yr un flwyddyn dyfarnwyd Cor Cytgan Clwyd yn Gôr yr Wyl yn yr Wyl Ban-Geltaidd yn Iwerddon ac eto yn 2017.
Daeth y côr i’r brig, gyda chlod arbennig gan y beirniaid, yn y Manchester Amateur Choral Competition yn 2018 – cystadleuaeth i gorau o bob cwr o Brydain.
Meddai Ann: “Ar ôl cyfnod prysur iawn yn perfformio yng Ngwyl Gerdd Ryngwladol Gogledd Cymru a’r cyngerdd i groesawu Eisteddfod yr Urdd 2020, mae’n bryd nawr i ddechrau ar flwyddyn newydd o weithgareddau.
"O hyn ymlaen, côr o leisiau soprano ac alto fydd y côr, gan fod nifer y lleisiau tenor a bas wedi gostwng.
"Bydd hi’n braf cael rhagor o leisiau i ymuno â’r aelodau presennol. Dewch yn llu!”
Comments: Our rules
We want our comments to be a lively and valuable part of our community - a place where readers can debate and engage with the most important local issues. The ability to comment on our stories is a privilege, not a right, however, and that privilege may be withdrawn if it is abused or misused.
Please report any comments that break our rules.
Read the rules here